Muzikant bi’j een folkloristische dansgroep ……………

De muzikanten van de Folkloristische dansgroep ’t Olde Getrouw uut Varsseveld. 

Een mooi voorbeeld van “een mooie foto zegt meer dan 1000 woorden”.

kleding, dans en muziek van vrogger bunt geen vergaone glorie

ze heurt bij onze folklore, met wortels diepe in onze eigen historie

onze dans en muziek is ons deur-egeven vanuut andere generaties

met soms, mooie verschillende, plaatseleke variaties

dansen op echte leavende muziek

is stimulerend veur dansers en mooier veur ’t publiek

een harmonica en accordeon hebt knöppe an de linker- en rechterkant

dus as muzikant hebt i’j ow eigen begeleiding bi’j de hand

as begeleider van dansers is dit een mooie kans

um te zörgen veur ’t goeie ritme, de maote en de juuste cadans

muziek is d’r veur de dansers en is niet ’t belangriekste van ’t geheel

maor ’t is altied wel een een onmisbaor onderdeel

in ’t programma hebt wi’j mooie dansen, zoals

polka’s, quadrille, mazurka, schots en de wals

met namen as Achttoer, Keperen Schots, Hoksebarger, de Mölle

Moeder Kiek, Drikusman en anderen, jao zelfs nog heel völle

een optreden gif altied völle plezier

de dansen, verhaaltjes, zang en muziek zörgt veur ’t vertier

an ’t ende van een optreden is ’t vake een vroleke boel

en kan d’r niemand meer blieven zitten op zien stoel

wat is veur ons persoonlek ’t mooiste van al?

muziek maken, de gezelligheid en saamheurigheid baovenal